الشاعر فهد الشهراني شاعر المليون
قصايد فهد الشهراني
فهد الشهراني مراحل
فهد الشهراني مديت لك
فهد الشهراني غزل
قصايد فهد الشهراني مديت لك
قصايد فهد الشهراني غزل
قصيدة فهد الشهراني تعال
شعر فهد الشهراني حزين
فهد الشهراني الدنيا علمتني كلمات
شعر فهد الشهراني ياخاطري
ديــوان الــشــاعــر فــهــد الــشـهــرانــي؟؟؟
ديوان الشاعر فهد الشهراني الكتابي
الله معاك
ردي يـكـون الله مـعـاااك
والله يتمـم لــك هـنـااك
وفي كـل صرخـه فدنيتـي
مالـي انـا والله ســواااك
يانـووور قلبـي والنـظـر
ياسيـد رووحـي والبـشـر
ان كـان تبـغـى منيـتـي
ابقـى انـا داايـم مـعـاااك
مـابـي تسميـنـي فـهـد
حـتــى ولا يابـوسـعـد
ابــي تقـلـي دنـيـتـي
لبييييـه يـا محـلا نـداااك
لبيييـه يالطـرف الكحـيـل
امووت في الرمـش الظليـل
لـو تطـلـب الله موتـتـي
الله يتـقـبـل دعـــااااك
هذي عيوونـك لـي سهـاام
هـذي مرااسـيـل الـغـرام
هـذي سبـاايـب حيـرتـي
والله مـن فضلـه عـطـااك
أحس نظرااتـك غـروور!!!
يحـق لـك هـذا الشعـوور
يـازيـن نــوّر ديـرتـي
الكـل ياعـمـري فــدااك
لملـم هنـااااي ببسمـتـك
وأنثـر شقـااي بلمسـتـك
نـوّر خيـالـي وسيـرتـي
برداااااان محتـاااج لدفـااك
ابيـك أقـرب مـن قريييـب
أبيـك أصـدق مـن حبيـب
خطوتـك دااايـم خطـوتـي
وأكوون نجم فـي سمـاااك
أبيـك تشبعـنـي حـنـاان
محرووووووم في هذا الزماان
رد لشفـاااايـه بسـمـتـي
خليني اهنـا مـن هنـاااااك
أبتدي بسم الله
ابتـدي بسـم الله الرحـمـن قـبـل ابــدى الـكـلام
قبل اصـوغ احلـى المعانـي وابتـدي نظـم القصيـد
ثـم صلـوا عالنبـي يهـل الوفـا واهــل الـسـلام
مـن بعـدهـا نبـتـدي بالشـعـر والعـلـم الأكـيـد
وياهجوسـي خبريـهـم عــن شـعـوري بهتـمـام
مـن تقـدم بـسـم ربـعـه لا يجـيـب إلا المفـيـد
كلفونـي مـن ثقتـهـم والثـقـه عـنـدي وســام
والشجاعـه فـي المواقـف .........والبـلاده للبليـد
مرحبـا بعـداد مـن صلّـى ومــن زكّــى وصــام
مـن فرحنـا قلـت اكيـد اليـوم هـذا يــوم عـيـد
يـوم ماهـو مثـل غيـره يــوم للـنـاس الـكـرام
يـوم لأهـل الطيـب تاريخـه مـع الماضـي التلـيـد
يـوم للّـي قـد بنـى لاهـل الكـرم خمسيـن عــام
والوفـا فـي قلـبـه الطـاهـر محـطـات ورصـيـد
علّميهـم يانجـوم اللـيـل مــن خـلـف الغـمـام
كيـف كـوّن للطـلاقـه عـالـم وأصـبـح وحـيـد
(( أنّنـي والمجـد حولـي طـائـر والمـجـد حــام
بيـد أنّـي قـد ملكـة الشـعـر ألـحـان ونشـيـد))
مـا أقـول إلا علـى القـوه ولــك أزكــى ســلام
((سيـدي فيصـل)) عسـى الله يحفظـك عمـرٍ مديـد
مـن تحمّـل قسـوة سنيـنـه بـلـغ راس السـنـام
ليـن يـاصـل كــل غايـاتـه ويـاصـل مايـريـد
ومـن بناهـا بالكـسـل والله .....علـيّـه بالـحـرام
إن وجـوده بيـن ربعـه نـقـص لايمـكـن يـزيـد
وانـت بعـد الله حملـت أسمـك عظيـمٍ مـن عظـام
دام فـي الدنيـا فــوارق بـيـن ســادات وعبـيـد
فـي ذرى موطـن هـل الـرايـات لشّـتـد الـزحـام
موطـن يـفـداه مــن يـعـداه والــراس العنـيـد
موطـن فيـه الأمـام ابـن الامــام ابــن الامــام
خــادم البيتـيـن عـبـدالله أبــو راي ٍ سـديــد
شـاعـرٍ اعـلـن ولاه ومــن ورى ربـعـه حــزام
بسـم شهـران العريضـه مـن قريـب ومـن بعـيـد
سيدي ........ياسيدي........ ياسيدي ......مسك الختام
سيـدي فيصـل عسـى الله يحفظـك عـمـرٍ مـديـد
كلفونـي مـن ثقتـهـم والثـقـه عـنـدي وســام
والشجـاعـه فــي المـواقـف والـبـلاده للبلـيـد
لولا نجاحي
ياسـيـدي مــن طــاوع الـنـاس مـاقــام
لـو يستـمـع لـلـي حـكـوا يــووم قـالـوا
ماينـقـصـر دون الـرجـاجـيـل مــقــداام
ياليتـهـم يــوم أقـبــل الـشــر حـالــوا
ماحركـوا مــن قااااامـتـي رااااااس الأبـهـام
لـولا.... نجـاحـي فــي الخـفـا ماتمـاالـوا
عرضتـهـم ....ذل......وهواجيـيـس.....وآآلام
شافونـي أسبـح فــي الفـضـا وأستحـاالـوا
ذولا جـبـاااالٍ شاامـخـه عـشـرة أعـــوام
طالوا ...... وطااالوا......ثم ....طالوا .....وطالوا
((لكـن )) ...مـع كـل الأسـف صـاروا أوهـام
يـوم أشرقـت شمسـي علـى الـنـاس زالــوا
لـولا .... الشيـم لاطـى علـى روس الأقــزام
أهــل الشـيـم لـجـل التـواضـع تـعـالـوا
ولـولا ....الحبـر ماشفـت وقـفـات الأقــلام
ولــولا.... القـلـوب النابـضـه مـاتـوالـوا
ولـولا.... السهـر ماشـفـت للنـجـم خــدام
ولـولا .... الأيــادي العـاازفـه مستمـااالـوا
ماحركـوا مــن قااااامـتـي رااااااس الأبـهـام
لـولا .... نجـاحـي فــي الخـفـا ماتمـاالـو
يا خاطري
يا خاطري ما يفيد الضيق والحسـره
والحـزن قتّـال لا هبّـت اعاصيـره
لاتحسب اللي جرالي بالهوى كسـره
الغصن عايش ولو طارت عصافيـره
يا صاحبي من سوايا القلب لا تشـره
القلب باقي علـى ذكـرى مساييـره
من قسوة البرد عندي للجفـا جمـره
جمرة غضى تشتعل بالهـم والحيـره
أحيان اشوف الخفوق يحب ما يكـره
واجيب لجله عـذر واقبـل معاذيـره
وأحيان اشوف الجفا يطغى على صبره
يهز عرش الضلوع وما لقـى ديـره
يا وين قلبي باترحل كمـل السهـره
ما راح تلقى مـن الاحـزان تأشيـره
رساله الى قلبي
تباريحـك علـى جـمـر الغـضـى ياقلـبـي المهـمـوم
ونبضـاتـك دمــوعٍ مـرسـلـه وتهـلـهـا عـيـنـي
تعبـت وتعبـت عيونـي معـااااك ولا هتـنـت بالـنـوم
مـوااااويـل المـواجـع خلـهـا مابـيـنـك وبـيـنـي
علـى مهلـك بـصـدري لا تـهـزه وأرض بالمقـسـوم
علـى جــور العـيـون ألّــي تـنـام ولا تراعيـنـي
من أول يـوم أنـا وياك.........أنـا ويـاااك لآخـر يـوم
علـى الــدرب الطـويـل ألّــي جهلـتـه ياموديـنـي
نصحتك......قلت.......لا تحلم.......ترى بعض الحلوم حلوم
نهيتك.....قلت......ماتسلم......كسـرت الشـوك فيديـنـي
سألتك.......قلت.......ماتعلم......بـأن النصـر للمظلـوم
سجنتك......قلت.......تستسلم.......شكت منـك شرايينـي
مدحتك......وأنت........تتبسم......بعيد من العتب واللـوم
فهمتك......أنت.......ماتفهم.......رضيـت أنـك تخلينـي
لمحتك.......وأنت.......تترنم.......تغني للهوى المزعـوم
سمعتك.......وأنت .......تتكلم.......هـلا ياباقـي سنينـي
هلا بالطيـب,,,, وأنفـاس الغـرام,,,,, وريحـة اليشمـوم
هــلا بـلّـي عـلـى بـعـد المسـافـه مانسيتـيـنـي
تأثـرت بكلامـك ((خفـت)) لا يـخـذل عـزيـز الـقـوم
وأعيـد الكـره ألّـي قــد مـضـت يـومـك تناديـنـي
تذكرت الشوارع....... والظلام........ وطيرهـا المشـأوم
علـى ذيـك الغـصـون اليابـسـه والـهـم كاسيـنـي
أخـذت شـوي__ وأصبحنـا كـلانـا والأمــل مـعـدوم
صبـرنـا غـصـب__ والدنـيـا دروس وذا يكفـيـنـي
رضيـت ومامعـي حيلـه هـو الحاكـم وأنـا المحـكـوم
تشـيـل الـحـمـل ياقـلـبـي ولاكـنّــك تعنـيـنـي
أحبـك يابحـر ((لـكـن)) أخــاف وماأطـيـق الـعـوم
تكفيـنـي سواليـفـك عـلـى الـشـاطـي وتغنـيـنـي
كـذا يرضـيـك ياقلـبـي أطـيـح ومـاقـدرت آقــوم
وأنــا مـانـي بـحـي الله بـشـر يـومـك تبكيـنـي
بكـاااا حتـى القلم.......مـن رحمتـي مافـارق الأبهـوم
نـزف حرفـي علـى صـدر الــورق عـلّـه يسليـنـي
سمعـت علـوم ياقلبي.........ومنّـك ماسمعـت عـلـوم
ماغيـر دمـوعـك ألّــي سقتـهـا وتهلـهـا عيـنـي
شكـيـت وماشكـيـت إلا علـيـه الـواحـد الـقـيـوم
وغـيـر الله ضعـيـف ولــو عطـانـي مابيشفـيـنـي
إلاهــي طالـبـك تغـفـر لعـبـدٍ مـاهـو بمعـصـوم
إلاهــي طـهّـر القـلـب الضـعـيـف ولا تخلـيـنـي